E manaʻomia e tagata i le lalolagi aoao se faamāfanafanaga. (Fai 4:1) A o faagasolo le masina o Setema, o le a tatou taumafai faapitoa ai e ofo Le Olomatamata Nu. 5, lea e faamatilatila ai le mataupu o faamāfanafanaga. Ia tufa atu lenei mekasini i le tele e mafai ai. Peitaʻi, talu ai e tatou te faanaunau ia talanoa saʻo atu i le tagata ma avatu i ai se faamāfanafanaga, o lea, ia aua neʻi tuuina a tatou mekasini i fale e lē o iai ni tagata.

“O i tatou uma lava e iai taimi e manaʻomia ai se faamāfanafanaga. Ae o fea e tatou te maua ai? [Faitau le 2 Korinito 1:3, 4.] O loo talanoaina i lenei Olomatamata le auala e saunia mai ai e le Atua na faamāfanafanaga.”

Afai e faaalia e le tagata le naunau ma talia le mekasini, . . .

Ona ofo atu lea o se suʻesuʻega faale-Tusi Paia.

Faatū se fesili o le a e taliina pe a toe foʻi atu, e pei o le “Aiseā ua lē taofia ai e le Atua puapuaga?”