MĀFUAAGA E TĀUA AI: O lomiga uma e aofia i a tatou Meafaigaluega mo le Aʻoaʻo Atu, e faasino ai tagata i le jw.org. O le fuafuaga autū foʻi o le pepa mo faamatalaga ma le sāvali O Fea e Tatou te Maua ai Tali o Fesili Tāua e Faatatau i le Olaga?, o le tataʻi lea o tagata i la tatou upega tafaʻilagi. E mafai ona faaaogā le jw.org e ofo ai se lomiga mai i a tatou Meafaigaluega mo le Aʻoaʻo Atu, e ala i le imeli atu o se kopi o lenā lomiga, po o se link ina ia maua ai e tagata le lomiga. E tāua lea vala pe a molimau i se tagata e tautala i se isi gagana. E lē gata i lea, o isi taimi e lē maua i lomiga e aofia i Meafaigaluega mo le Aʻoaʻo Atu nisi o tali o fesili a tagata. Pe a mafai la ona tatou faaaogāina le upega tafaʻilagi, e mafai ona faaleleia atili ai la tatou faiva.

LE AUALA E FAI AI:

• Faaaogā le vaega “AʻOAʻOGA A LE TUSI PAIA”. Seʻi faapea o loo e molimau atu i se matua o loo fia maua ni faamatalaga e faatatau i le auala e tausia ai fanau, tagaʻi i le AʻOAʻOGA A LE TUSI PAIA > FAAIPOIPOGA MA LE AIGA.

• Faaaogā le vaega “LOMIGA”. Atonu o loo e molimau lē fuafuaina atu i le aʻoga, ma ua e manaʻo e talanoa ma se tamaitiiti i le polosiua Tali i Fesili e 10 a Talavou. Tagaʻi i le LOMIGA > TUSI MA POLOSIUA.

• Faaaogā le vaega “MOLIMAU A IEOVA”. Atonu o loo e molimau i se tasi e te lua faigaluega o loo fia faitau puupuu e faatatau i o tatou talitonuga. Tagaʻi i le MOLIMAU A IEOVA > FESILI E MASANI ONA LĀGĀ E FAATATAU I MOLIMAU A IEOVA.

MAIMOA I LE VITIŌ FAAAOGĀINA O LE JW.ORG, ONA VAAI LEA PO O FEA LE VAEGA E TE ALU AI I LE UPEGA TAFAʻILAGI, INA IA FESOASOANI I:

• se tagata e lē talitonu e iai se Atua

• sē na aafia i se mala

• se uso po o se tuafafine e lē o toe talaʻi

• sau asiga o loo fia iloa le auala e faatupe ai a tatou galuega

• se tasi o loo asiasi i lona atunuu, ma o loo fia alu i se sauniga