AUALA E OLA AI O SE KERISIANO
Ia Manatua le Avā a Lota
Aiseā na toe tepa ai i tua le avā a Lota a o sola ese mai i Sotoma? E lē o faamatalaina i le Tusi Paia. (Ke 19:17, 26) Ae o le siʻomaga o le lapataʻiga a Iesu, ua faaalia ai atonu na ia manaʻonaʻo i mea na ia tuua. (Lu 17:31, 32) E faapefea ona tatou ʻalofia le lē mauaina o le finagalo malie o le Atua, e pei ona tupu i le avā a Lota? E lē tatau ona faamuamua i o tatou olaga le saʻilia o meafaitino. (Mat 6:33) Na aʻoaʻo e Iesu ʻe lē mafai ona tatou pologa i le Atua atoa ma ʻOa.’ (Mat 6:24) Ae faapefea pe afai ua tatou mātauina ua amata ona taaʻina ese i tatou mai i mea faaleagaga, ona o meafaitino? Ia tatalo iā Ieova mo le faautaga loloto, e iloa ai vala e manaʻomia ona fai ai suiga, ma ia maua foʻi le lototele ma le malosi e faia ai faapea.
IA TOE TŌMANATU I LE VITIŌ E TOLU ONA VAEGA IA MANATUA LE AVĀ A LOTA, ONA TALI LEA O FESILI NEI:
-
E faapefea ona faaalia atu i aʻu gaoioiga o loo oʻu “manatua le avā a Lota”?
Na faapefea ona aafia mafaufauga, le tautala, ma gaoioiga a Leta ona o omiga ina ia maua ni tupe se tele?
-
E faapefea ona avea le avā a Lota o se faaaʻoaʻoga lapataʻi mo i tatou i aso nei?
-
Na faapefea ona fesoasoani le faatatauina o mataupu silisili o le Tusi Paia iā Toni ma lona aiga?
-
Na faapefea ona aafia le itu faaleagaga o Ana ona o ana aumea i le galuega?
-
Aiseā e manaʻomia ai le lototele, pe a tatou feagai ma le omiga o le faamuamua o tupe i le olaga?
-
Na faapefea ona toe faamuamua e Pati ma Leta mea faaleagaga?
-
O ā mataupu silisili o le Tusi Paia na e mātauina i le vitiō?
