I tausaga taʻitasi, e tatou te tulimataʻia le tausamiga faaleagaga lea e tatou te maua i a tatou tauaofiaga itumalo. Ina ia tofo isi tagata i le lelei o Ieova, e ao ona tatou valaaulia le toʻatele e mafai ai ina ia auai mai i la tatou tauaofiaga. (Sl 34:8) E ao i le ʻautoeaina o faapotopotoga taʻitasi ona iloilo po o le ā le auala sili e tufaina atu ai le valaaulia.

• O ā fea le tauaofiaga?

• O ā fea e amata ai le tauiviga i la matou vaipanoa?

• O ā aso ma taimi o talaʻiga a la matou faapotopotoga?

• O ā oʻu sini i le taimi o le tauiviga?

• O ai o loo ou mafaufau e valaaulia?

Pe a uma ona e faafeiloaʻi le tagata, e te ono faapea atu:

“O loo matou faia se tauiviga i le lalolagi aoao, e tufatufa ai lenei valaaulia mo se faatasiga e tāua tele. O loo taʻua i le valaaulia le aso, taimi, ma le nofoaga e faia ai. E matou te fiafia e tatou te auai faatasi i lenā aso.”

E ui e tatou te mananaʻo e valaaulia le toʻatele o tagata e mafai ai ina ia auai i le tauaofiaga, ae e ao foʻi ona tatou mataalia ina ia atiaʻe le naunau e faaalia mai e so o se tasi.

I faaiʻuga o vaiaso, e mafai ona ofo faatasi se mekasini ma le valaaulia.