3:1-5

Aiseā na tigā ai le finagalo o Iesu i uiga o taʻitaʻi lotu Iutaia? Talu ai na latou faia le tele o faasāsāaga lē manaʻomia i le Sapati ma avea ai le Sapati o se avega mamafa. O se faaaʻoaʻoga, na faasā ona tapē se utufiti. Na faatoʻā mafai foʻi ona togafitia se maʻi o se tagata pe afai ua lamatia lona ola. O lona uiga, e leʻi mafai ona togafitia se ponaivi pe a gau pe mapeva i le Sapati. E manino mai, e leʻi alolofa taʻitaʻi lotu i le tamāloa na pē le lima.