10:13

E ono mafai ona filifili Ieova e aveese se tofotofoga. Peitaʻi, e tele ina “saunia e ia se auala e sao ai,” e ala i le saunia mai o mea e tatou te manaʻomia ina ia tumau ai e ui i lenā tofotofoga.

• E na te faatoʻafilemu o tatou mafaufau, loto, ma faalogona e ala mai i lana Afioga, lona agaga paia ma meaʻai faaleagaga ua ia saunia.​—Mat 24:45; Ioa 14:16; Ro 15:4

• E mafai ona ia taʻitaʻia i tatou e ala i lona agaga paia, lea e fesoasoani iā i tatou e manatua ai mau ma mataupu silisili o le Tusi Paia, ma iloa ai le ala saʻo e uia.​—Ioa 14:26

• E mafai ona ia faaaogā ana agelu e fesoasoani mai iā i tatou.​—Epe 1:14

• E mafai ona ia fesoasoani mai e ala i o tatou uso tapuaʻi.​—Ko 4:11