Na tauivi Iakopo ma se agelu mo se mea e sili ona tāua​—o le faamanuiaga a Ieova. (Ke 32:24-31; Ho 12:3, 4) Ae ā i tatou? Po o tatou lotomalilie e faia taumafaiga malolosi e usiusitaʻi iā Ieova ma maua ai ana faamanuiaga? Mo se faaaʻoaʻoga, pe a e filifili pe auai i le sauniga pe faigaluega ovataimi, o lē fea e te faamuamua? Pe afai e tatou te faaaogā lelei o tatou taimi, le malosi ma ʻoa i le auaunaga iā Ieova, o le a ia sasaa mai “faamanuiaga seʻia oo ina matuā tele lava.” (Mal 3:10) O le a ia taʻitaʻi, puipuia ma tausia o tatou manaʻoga.​—Mat 6:33; Epe 13:5.

MAIMOA I LE VITIŌ IA TAULAʻI ATU PEA I SINI FAALEAGAGA, ONA TALI LEA O FESILI NEI:

• Na faapefea ona tofotofoina le tuafafine i se mea na fiafia ai?

• E faapefea ona avea a tatou galuega totogi o se tofotofoga iā i tatou?

• Aiseā na manaʻomia ai e Timoteo ona taulaʻi atu pea i sini e ui ua avea o ia ma tagata matua faaleagaga?​—1Ti 4:16

• O le ā le galuega e “sili ona tāua” iā i tatou?