Sa iloa e Iakopo e tatau ona tapuaʻi tau lava o Ieova, e ui e leʻi saunia e Ieova se tulafono e faasā ai le ifo i tupua i lenā taimi. (Eso 20:3-5) Ina ua uma ona fetalai atu Ieova iā Iakopo e toe foʻi i Peteli, na faatonu loa e Iakopo tagata uma ina ia lafoaʻi a latou tupua. Na susunu e Iakopo tupua, e aofia ai tautaliga ma asoa. (Ke 35:1-4) E mautinoa na faafiafiaina Ieova i gaoioiga a Iakopo.

E faapefea ona tatou tapuaʻi atu tau lava o Ieova? E amata i le ʻalofia o so o se mea e fesootaʻi atu i le ifo i tupua ma faiga faaagaga. E aofia ai le lafoaʻi o so o se mea e fesootaʻi i faiga faataulāitu, ma iloilo ma le faaeteete a tatou faafiafiaga. Mo se faaaʻoaʻoga, ia fesili ifo: ʻPo ou te fiafia i tusi po o ata tifaga e autū i tagata e mimitiina toto o isi tagata, tagata ua feoti ae toe feola mai o ni aitu, po o vaaiga e faaaogā ai ni mana uigaese? Po o faaali mai ai faiga faamaneta ma faiga faalauatau o ni mea lelei?’ E tatau ona tatou taumamao mai so o se mea e inosia e Ieova.​—Sl 97:10.

MAIMOA I LE VITIŌ “TETEE ATU I LE TIAPOLO,” ONA TALI LEA O FESILI NEI:

• O le ā le faafitauli na aliaʻe i se tasi o tagata suʻesuʻe e igoa iā Palesa?

• Aiseā e atamai ai le fesili atu i toeaina i mataupu e aofia ai faiga faaagaga?

• Pe afai tatou te fia maua le puipuiga a Ieova, o ā mea e tatau ona tatou lafoaʻia?

• O le ā le gaoioiga na faia e Palesa?

• I le vaipanoa o loo e nofo ai, o ā nisi auala e ʻalofia ai faiga faatemoni?