O le ā le umi talu ona e faatalitali mo le oo mai o le Malo o le Atua? Po o e tumau ma le onosaʻi e ui lava i tulaga faigatā? (Ro 8:25) O nisi Kerisiano o loo inosia e tagata, faileagaina, faafalepuipuiina, pe faamataʻu foʻi i le oti. E toʻatele foʻi isi o loo feagai ma luʻi e pei o maʻi faaumiumi ma le soifua matua.

O le ā e fesoasoani iā i tatou ina ia faatalitali ai ma le naunau e ui i luʻi? E tatau ona faamalosia lo tatou faatuatua i aso taʻitasi e ala i le faitau o le Tusi Paia, manatunatu loloto i ai, ma ia taulaʻi atu i lo tatou faamoemoe. (2Ko 4:16-18; Epe 12:2) E tatau foʻi ona tatou faatoga atu iā Ieova ma talosaga atu mo le malosi mai i lona agaga paia. (Lu 11:10, 13; Epe 5:7) E mafai ona fesoasoani mai lo tatou Tamā alofa ina ia tatou “tutumau atoatoa ma ia faapalepale, atoa ma le olioli.”​—Ko 1:11.

MAIMOA I LE VITIŌ E TATAU ONA TATOU “TAUFETULI MA LE ONOSAʻI”​—IA MAUTINOA E TE MAUAINA LE TAUI, ONA TALI LEA O FESILI NEI:

• O ā ni ʻmea e tutupu faafuaseʻi’ e ono tulaʻi mai i le olaga? (Fai 9:11)

• E faapefea ona fesoasoani le tatalo iā i tatou pe a feagai ma luʻi?

• Pe a lē mafai ona faia le tele o mea sa tatou faia muamua i le auaunaga iā Ieova, aiseā e tatau ai ona taulaʻi atu pea i mea e mafai ona tatou faia?

• O le ā e fesoasoani iā te oe ina ia e mautinoa ai pea i le mauaina o le taui?