MĀFUAAGA E TĀUA AI: E tatau i tagata ona valaau i le suafa o Ieova ina ia faaolaina ai. (Ro 10:13, 14) Peitaʻi, e lē o tagata uma e suʻesuʻe i le Tusi Paia e mananaʻo e ola e ōgatusa ai ma tapulaa a Ieova. E faaaogā lelei o tatou taimi i le faiva, e ala i le fesoasoani iā i latou e mananaʻo moni e faia ni suiga ina ia faafiafiaina ai Ieova. Pe a mavae se taimi talu ona faia se suʻesuʻega ae e lē o agaʻigaʻi i luma le tagata suʻesuʻe, o se gaoioiga atamai le taofi o le suʻesuʻega, ae faaaogā lo tatou taimi e fesoasoani ai i ē ua tosina mai e Ieova iā te ia ma lana faalapotopotoga. (Ioa 6:44) Pe a faaalia i se taimi mulimuli ane e le tagata ua ʻsaunia lona loto mo le ola e faavavau,’ e tatou te fiafia la e toe faaauau lana suʻesuʻega faale-Tusi Paia.​—Ga 13:48.

LE AUALA E FAI AI:

• Faamālō i le tagata suʻesuʻe i lona manaʻo e aʻoaʻoina le poto saʻo.​—1Ti 2:4

• Faamamafa i ai le tāua o le faatatau o mea ua ia aʻoaʻoina.—Lu 6:46-49

• Talanoa i ai i se auala agalelei i le talafaatusa a Iesu i le tagata lūlū fatu, ma faalaeiau o ia e iloilo po o le ā se mea o loo taofia ai o ia mai i le faatatauina o mea ua ia aʻoaʻoina.​—Mat 13:18-23

• Faamatala i ai ma le faautauta le māfuaaga o le a taofi ai le suʻesuʻega

• Faailoa i ai o le a fai ma e asiasi atu e faalaeiau iā te ia, ma e mafai ona toe faaauau lana suʻesuʻega i le lumanaʻi pe a ia faia ni suiga

MAIMOA I LE VITIŌ, ONA TALI LEA O FESILI NEI:

• O le ā na e aʻoaʻoina mai i le talanoaga e iloa ai e leʻi agaʻigaʻi i luma faaleagaga le tagata suʻesuʻe?

• Na faapefea ona fesoasoani le tagata talaʻi i le tagata suʻesuʻe ina ia malamalama e manaʻomia ona ia faia ni suiga?

• Na faapefea ona tuu atu e le tagata talaʻi le avanoa e toe faaauau ai le suʻesuʻega i le lumanaʻi?