Na valoia mai i le Tusi Paia o le a sauāina i tatou e Satani ona e taumafai e taofia la tatou faiva. (Ioa 15:20; Fal 12:17) E faapefea ona tatou fesoasoani i o tatou uso tapuaʻi o loo sauāina i isi atunuu? E mafai ona tatou tatalo mo i latou. “E malosi tele le tatalo faatauanau a le tagata amiotonu.”—Ia 5:16.

O ā mea e mafai ona taʻua i a tatou tatalo? Ia talosaga iā Ieova e foaʻi i o tatou uso ma tuafāfine le lototele, ma fesoasoani iā i latou e aua le atuatuvale. (Isa 41:10-13) E mafai foʻi ona tatou tatalo mo ē e iai le pule ina ia talileleia la tatou galuega talaʻi, “ina ia tatou ola i ni olaga toʻafimālie ma le filemu.”—1Ti 2:1, 2.

Ina ua sauāina Paulo ma Peteru, na tatalo Kerisiano i le uluaʻi senituri ma taʻua o la igoa. (Ga 12:5; Ro 15:30, 31) Pe afai e tatou te lē iloa suafa o tatou uso ma tuafāfine o loo sauāina i aso nei, pe mafai ona taʻua a latou faapotopotoga, atunuu, po o vaipanoa o loo iai?