Ua faamaopoopoina e Ieova ona tagata i aso nei e faia lona finagalo, e pei o le auala na ia faamaopoopo ai tagata Isaraelu. I le lalolagi aoao, o loo galulue faatasi ofisa o lālā, matagaluega, faapotopotoga, ma vaega mo le talaʻiga, e talaʻi atu le tala lelei. E tatou te talaʻi atu i tagata uma, e aofia ai tagata e ese le gagana e tautatala ai.​—Fal 14:6, 7.

Pe na e taumānatu i le aʻoaʻoina o se isi gagana ina ia fesoasoani i se tasi e iloa le upu moni? E tusa lava pe e leai sou taimi e aʻo ai se gagana fou, ae mafai ona e faaaogāina le JW Language e aʻo mai ai se taulimaga faigofie. Pe a e faaaogā lenā taulimaga i le talaʻiga, o le a e maua ai le olioli e pei o tatou uso i le uluaʻi senituri, ina ua maofa tagata mai i isi atunuu i le faalogo atu “i mea matagofie a le Atua” i a latou lava gagana.​—Ga 2:7-11.

MAIMOA I LE VITIŌ AVEA OE MA UŌ A IEOVA​—TALAʻI I TAGATA E ESE GAGANA, ONA TALI LEA O FESILI NEI:

• O le ā le taimi e te ono faaaogāina ai le JW Language?

• O ā nisi o vala o lenei polokalame?

• O ā gagana e tautatala ai tagata o lau oganuu?

• O le ā e tatau ona e faia pe a faaalia e se tagata e ese le gagana e tautala ai, le fiafia i le feʻau o le Malo?​—od 100-101 ¶39-41