E mafai e le Afioga a le Atua ona suia o tatou olaga. (Epe 4:12) Ae ina ia tatou maua aogā mai i taʻiala, faatonuga, ma fautuaga o loo iai, e tatau ona tatou talitonu moni, o le ʻafioga lea a le Atua.’ (1Te 2:13) E faapefea ona faamalosia lo tatou faatuatua i le Tusi Paia?

Faitau se vaega o le Tusi Paia i aso taʻitasi. A o e faitau, mātau faamaoniga e iloa ai, o Ieova le Tusitala o le Tusi Paia. Mo se faataʻitaʻiga, iloilo fautuaga o loo i le tusi o Faataoto, ma mātau le auala o loo aogā ai pea na fautuaga atamai i aso nei.—Fat 13:20; 14:30.

Amata ni au saʻiliʻiliga. Ia faamasani i faamaoniga e iloa ai o le Tusi Paia o se tusi faagaeeina. I le Tusi Taʻiala mo Saʻiliʻiliga a Molimau a Ieova, tagaʻi i le vaega “Faagaeeina e le Atua,” o loo i lalo o le ulutala “Tusi Paia.” E mafai foʻi ona faamalosia lou mautinoa e leʻi suia le feʻau o le Tusi Paia, e ala i le iloiloina o faamatalaga o loo i le Faaopoopoga A3 o le Faaliliuga a le Lalolagi Fou.

MAIMOA I LE VITIŌ O MĀFUAAGA E TATOU TE FAATUATUA AI . . . I LE AFIOGA A LE ATUA, ONA TALI LEA O FESILI NEI:

• Na faapefea ona faamaonia le moni o le Afioga a le Atua, i mea na tusia i pā puipui o le malumalu o Karnak i Aikupito?

• E faapefea ona tatou iloa e leʻi suia le feʻau o loo i le Tusi Paia?

• E faapefea i le faasaoina o le Tusi Paia, ona faamaonia ai o le Afioga lea a le Atua?—Faitau le Isaia 40:8