A o faagasolo aso e gata ai, ua tatou aafia i le tele o faafitauli faigatā. O nisi taimi tatou te ono manatu ai ua lē mafai ona tatou onosaia. Ae pe a tatou mafuta vavalalata atu pea iā Ieova, o le a ia fesoasoani mai ina ia tatou tumau, e oo lava i luʻi e sili ona faigatā. (Isa 43:2, 4) E faapefea ona tatou mafuta vavalalata atu iā Ieova pe a fesagaʻia faafitauli?

Tatalo. Pe a sasaa atu o tatou loto iā Ieova, o le a ia aumaia le filemu o le mafaufau ma le malosi tau faalogona e tumau ai.—Fil 4:6, 7; 1Te 5:17.

Sauniga. Ua sili atu ona tatou manaʻomia meaʻai faaleagaga ma le faatasitasi i taimi o sauniga i le taimi lenei, nai lo o se isi lava taimi. (Epe 10:24, 25) Pe a tatou sauniuni lelei, auai, ma faia se sao i sauniga, e tatou te maua atoatoa ai aogā mai le fesoasoani a le agaga paia o Ieova.—Fal 2:29.

Talaʻiga. O le a faigofie ona tatou uaʻi atu i mea lelei, pe a tatou toʻaʻaga e talaʻi. O le a māfana ai foʻi la tatou faauōga ma Ieova ma i latou o loo tatou galulue faatasi i le talaʻiga.—1Ko 3:5-10.

MAIMOA I LE VITIŌ O LE A TALIA OE E IEOVA, ONA TALI LEA O FESILI NEI:

• O le ā na fesoasoani iā Malu e vavalalata ai pea iā Ieova a o ia fesagaʻia faafitauli?

• I le pei o Malu, e faapefea ona faamāfanafanaina i tatou i le Salamo 34:18 pe a fesagaʻia faafitauli?

• E faapefea ona faamaonia mai i le mea na tupu iā Malu, e foaʻi mai e Ieova le “mana lea e sili atu i le malosi o tagata,” pe a tatou aafia i faafitauli?—2Ko 4:7