TOLENIGA MO LE FAIVA I LE FANUA | IA FAATELEINA LOU OLIOLI I LE FAIVA
Pāʻia le Loto
O le usiusitaʻi i le Atua e sau mai i le loto. (Fat 3:1) O lea, pe a aʻoaʻo atu, e tatau ona taumafai e pāʻia loto o la tatou ʻaufaalogologo. E faapefea?
Aua le tau ina aʻoaʻo lau tagata aʻoga i upu moni o le Tusi Paia, ae ia fesoasoani i ai ia iloa faatatau na upu moni i lona olaga ma lana faiā ma Ieova. Ia fesoasoani iā te ia e talisapaia le auala ua faaalia mai ai i tapulaa a le Tusi Paia le alofa o le Atua, le agalelei, ma le amiotonu. Ia faia ni fesili agalelei ma faautauta, e fesoasoani iā te ia e iloilo ai ona manatu e faatatau i mea ua ia aʻoaʻoina. Ia fesoasoani iā te ia e mafaufau i le auala o le a faaleleia ai lona olaga, pe afai e suia ana masaniga lē lelei. O le a faateleina lou olioli, pe a e vaaia le moni o le alofa o lau tagata aʻoga iā Ieova.
MAIMOA I LE VITIŌ IA TOFO I LE OLIOLI O LE FAIA O ISI MA SOO—FAALELEIA OU TOMAI—PĀʻIA LE LOTO, ONA TALI LEA O FESILI NEI:
-
Aiseā na fesili ai Neta iā Rosa: “E te manatua se isi mea na ta talanoa ai i le Aso Gafua?”
-
Na faapefea ona fesoasoani Neta iā Rosa ia malamalama i le auala ua faaalia mai ai i tapulaa a le Tusi Paia le alofa o Ieova iā te ia?
-
Pe a pāʻia le loto o lau tagata aʻoga, o le a uunaʻia ai o ia e agaʻigaʻi i luma
Na faapefea ona fesoasoani Neta iā Rosa i le auala e mafai ai ona faaalia lona alofa i le Atua?
