Ua faailoa mai e le Tusi Paia ia tatou feutagaʻi ma Kerisiano matutua e pei o ni o tatou tinā ma tamā, ma ē talavou e pei o ni o tatou uso ma tuafāfine. (Faitau le 1 Timoteo 5:1, 2.) E tatau i uso ona feutagaʻi ma tuafāfine i se auala faaaloalo.

E lē tatau i se uso ona faatafai pe faia so o se mea e lē lelei ai faalogona o se tuafafine pe a faifaimea faatasi. (Iop 31:1) E lē tatau i se uso nofofua ona taalo i faalogona o se tuafafine nofofua, e ala i le gaoioi i se auala e manatu ai le tuafafine o loo ia manaʻo e atiaʻe se faigāuō, ae e lē o le mea lenā o loo manaʻo i ai.

E tatau i toeaina ona agalelei i tuafāfine e fesili atu pe faailoa atu se mea e ono manaʻomia ona uaʻi atu i ai. E tatau i toeaina ona uaʻi atu i tuafāfine ua leai ni o latou tane ina ia puipuia i latou.​—Ru 2:8, 9.

MAIMOA I LE VITIŌ IA FAAALIA LE ALOFA E LĒ UMA I LE FAAPOTOPOTOGA​—I FAFINE UA OTI A LATOU TANE MA FANAU UA MĀTUA OTI, ONA TALI LEA O FESILI NEI:

• Na faapefea ona faaalia e le faapotopotoga le alofa i le tuafafine o Myint?

• Na faapefea i le alofa na faaalia e le faapotopotoga ona avea o se molimau lelei i le nuu?

• Na faapefea i le alofa na faaalia e le faapotopotoga ona iai se aafiaga lelei i fanau teine a le tuafafine o Myint?

O ā nisi o auala e mafai ona e faaalia ai le manatu mamafa i tuafāfine o lau faapotopotoga?