Na fesoasoani Ieova i tagata matitiva i Isaraelu anamua. O ā nisi o auala o loo ia fesoasoani ai i ana auauna o loo matitiva i aso nei?

• Ua ia aʻoaʻoina i latou ia iai se vaaiga paleni e faatatau i tupe.​—Lu 12:15; 1Ti 6:6-8

• Ua fesoasoani mai Ieova iā i latou ia iai se uiga mautinoa.​—Iop 34:19

• Ua ia aʻoaʻoina i latou ia galulue mamafa ma ʻalofia masaniga leaga.​—Fat 14:23; 20:1; 2Ko 7:1

• Ua ia tosina mai i latou i se ʻauuso Kerisiano e alolofa.​—Ioa 13:35; 1Io 3:17, 18

• Ua ia avatu iā i latou se faamoemoe.​—Sl 9:18; Isa 65:21-23

Po o le ā lava le faigatā o le tulaga ua tatou iai, e lē tatau ona tatou atuatuvale. (Isa 30:15) O le a tausia e Ieova o tatou manaʻoga faaletino, pe a faaauau ona faamuamua le saʻilia o lona Malo.​—Mat 6:31-33.

MAIMOA I LE VITIŌ E LĒ UMA LE ALOFA E UI I . . . LE TULAGA MATIVA​​—CONGO, ONA TALI LEA O FESILI NEI:

• Na faapefea i uso na nonofo latalata i nofoaga na faia ai le tauaofiaga itumalo ona faaalia le agaga talimālō i ē na malaga atu mo le tauaofiaga?

• O le ā se lesona e tatou te aʻoaʻoina i le alofa o Ieova i ē matitiva mai i lenei vitiō?

• E faapefea ona tatou faaaʻoaʻo iā Ieova e tusa lava po o ā mea e tatou te maua?