O le tigā alofa o le tomai lea e malamalama ai i manatu, faalogona, o mea e faatāua, ma manaʻoga o isi. E faigofie ona iloa e isi lo tatou tigā alofa mo i latou. Pe afai tatou te mananaʻo moni lava e fesoasoani i isi, o le a mafai ona fesoasoani e tatou te lagona ai le tigā alofa mo i latou. O le faaalia o le tigā alofa i le faiva, ua tatou faaalia atu ai le alofa ma le manatu mamafa o Ieova, ma o le a tosina atu ai tagata iā te ia.​—Fil 2:4.

O le faaalia o le tigā alofa e lē na o se metotia e aʻoaʻo atu ai, nai lo o lea e faaalia e ala i le faalogologo lelei ma ia agalelei. E tatou te faaalia le tigā alofa e ala i le auala e tatou te tautatala ai, o tatou uiga, gaoioiga ma foliga vaaia. E tatou te faaalia foʻi e ala i le naunau moni i se tasi. E tatou te mātauina mea e fiafia i ai, o ona talitonuga, ma lona tulaga. E tatou te ofo atu se fesoasoani aogā, ae e tatou te lē faamalosia ai o ia e faia ni suiga. Pe a latou talia la tatou fesoasoani, o le a faateleina ai lo tatou olioli i le faiva.

MAIMOA I LE VITIŌ IA TOFO I LE OLIOLI O LE FAIA O ISI MA SOO—FAALELEIA OU TOMAI​—FAAALIA LE TIGĀ ALOFA, ONA TALI LEA O FESILI NEI:

• Na faapefea ona faaalia e Neta le tigā alofa ina ua tuai Rosa i le la suʻesuʻega?

• Na faapefea ona faaalia e Neta le tigā alofa ina ua fai mai Rosa e tele mea e popole ai?

• Na faapefea ona faaalia e Neta le tigā alofa ina ua fai mai Rosa e lē o ia o se tagata e fai mea maopoopo?