E tele faaaʻoaʻoga i le Tusi Paia, o tatalo na tali mai ai Ieova. Ina ua iloa e auauna a Ieova le auala na faafofoga mai ai Ieova i o latou popolega ma fesoasoani iā i latou, e mautinoa na faamalosia ai lo latou faatuatua. O lea la, o se mea lelei foʻi le patino o a tatou tatalo, ma taumafai e iloa le auala e tali mai ai Ieova. Ia manatua, e ono tali mai o ia i se auala e ese mai, pe e sili atu i lo o le mea na tatou talosaga atu ai. (2Ko 12:7-9; Efe 3:20) O le ā e mafai ona foaʻi mai e Ieova pe a tali mai i a tatou tatalo?

• Malosi faaletino, tau faalogona, ma le faaleagaga, e fesagaʻia ai faafitauli.—Fil 4:13

• Atamai e faia ai filifiliga lelei.—Ia 1:5

• Faanaunauga ma le malosi e galulue ai.—Fil 2:13

• Filemu o le mafaufau pe a popole.—Fil 4:6, 7

• Lagolagosua faaletino ma tau faalogona mai i isi.—1Io 3:17, 18

• Fesoasoani atu iā i latou na taʻua i a tatou tatalo.—Ga 12:5, 11

MAIMOA I LE VITIŌ O IEOVA O LE “FAAFOFOGA TATALO,” ONA TALI LEA O FESILI O LOO MULIMULI MAI:

• E faapefea ona faalaeiauina i tatou i le faaaʻoaʻoga a le uso o Takeshi Shimizu, pe a itiiti mea e mafai ona tatou faia ona o maʻi o le tino?

• E faapefea ona tatou faaaʻoaʻo i le uso o Takeshi Shimizu?