Iulai 29–Aokuso 4
SALAMO 69
Pese 13 ma le Tatalo | Upu Tomua (1 minu.)
1. Auala na Valoia ai i le Salamo e 69 Mea o le a Tutupu i le Soifuaga o Iesu
(10 minu.)
Na inosia Iesu e aunoa ma se māfuaaga (Sl 69:4; Ioa 15:24, 25; w11 8/15 11 ¶17)
Na maelega Iesu mo le fale o Ieova (Sl 69:9; Ioa 2:13-17; w10 12/15 8 ¶7-8)
Na matuā mafatia Iesu ma na latou avatu iā te ia se uaina ua fefiloi ma laau oona (Sl 69:20, 21; Mat 27:34; Lu 22:44; Ioa 19:34; g95 10/22 31 ¶4; it-2 650)
MANATUNATU LOLOTO: Aiseā na faaaofia ai e Ieova valoaga e faatatau i le Mesia i Tusitusiga Paia Eperu?
2. Saʻiliʻiliga mo ʻOa Faaleagaga
(10 minu.)
-
Sl 69:30, 31—E faapefea ona fesoasoani nei fuaiupu e faaleleia atili ai a tatou tatalo? (w99 1/15 18 ¶11)
-
O ā ni ʻoa faaleagaga mai i le faitau Tusi Paia o lenei vaiaso na e fiafia i ai?
3. Faitau Tusi Paia
(4 minu.) Sl 69:1-25 (th suʻesuʻega 2)
4. Onosaʻi—Mea na Faia e Iesu
(7 minu.) Talanoaga. Faaali le VITIŌ, ona talanoa lea i le lmd lesona 8 manatu 1-2.
5. Onosaʻi—Faaaʻoaʻo iā Iesu
(8 minu.) Talanoaga e faavae mai i le lmd lesona 8 manatu 3-5 ma le vaega “Tagaʻi Foʻi i Le.”
Pese 134
6. Manaʻoga o le Faapotopotoga
(5 minu.)
7. Mataupu Silisili mo le Tapuaʻiga a le Aiga
(10 minu.) Talanoaga.
Iā Ianuari 2009, na tuufaatasi ai le Suʻesuʻega Tautusi a le Faapotopotoga ma le Aʻoga o le Faiva Faatiokarate ma le Sauniga o le Auaunaga, i se sauniga se tasi ua taʻua o le sauniga amata o le vaiaso. O lenei faatulagaga ua maua ai e aiga le avanoa i vaiaso taʻitasi e faia ai la latou tapuaʻiga. E toʻatele ua faaleo mai lo latou talisapaia o lenei faatulagaga, ona ua fesoasoani iā i latou e vavalalata atu ai iā Ieova, ma sui taʻitasi o le aiga.—Te 6:6, 7.
O ā nisi o mataupu silisili e mafai ona fesoasoani i ulu o aiga e taulau ai i le faia o le Tapuaʻiga a le Aiga?
-
Ia faia e lē aunoa. Pe a talafeagai, ia faatulaga se taimi mo le tapuaʻiga a le aiga i vaiaso taʻitasi. Ia faatulaga se isi aso e fai ai pe a tulaʻi mai se tulaga e lē maʻalofia
-
Ia sauniuni. Ia talanoa ma lau avā, ma fesili foʻi i lau fanau i nisi taimi mo ni o latou manatu. E lē manaʻomia ona sauniuni ni mataupu se tele e talanoa ai, aemaise lava pe a iai ni mea patino e fiafia le aiga e fai pe talanoa ai i vaiaso taʻitasi
-
Ia fetuutuunaʻi e fua i le tulaga o lou aiga. A o faasolo ina matutua le fanau, o le a suia o latou manaʻoga ma mea e mafai ona latou faia. E tatau ona fesoasoani le tapuaʻiga a le aiga i sui taʻitasi o le aiga, ina ia tuputupu aʻe faaleagaga
-
Ia iai pea se siʻomaga alofa ma filemu. I nisi taimi, e mafai ona fai i fafo o le fale pe a lelei le tau. E mafai lava ona fai ma mālōlō pe a manaʻomia. E ui e tatau ona uaʻi atu i luʻi patino o loo fesagaʻia e le aiga, ae e lē tatau ona avea o se taimi e otegia pe aʻoaʻia ai i latou
-
Ia fesuisuiaʻi mea e talanoaina. Mo se faataʻitaʻiga, e ono faaaofia ai sauniuniga mo se vaega o le sauniga e sosoo ai, matamata ma talanoa se vitiō i le jw.org, pe faataʻitaʻi ai taulimaga mo le talaʻiga. E ui o le vala autū o le Tapuaʻiga a le Aiga o le talanoa faatasi o se aiga, ae e mafai foʻi ona faaaofia ai se taimi e faia ai suʻesuʻega a le tagata lava ia
Talanoa i le fesili lenei:
-
O ā auala o loo e taumafai e faatatau ai nei mataupu silisili i la outou tapuaʻiga a le aiga?
