37:1, 2

• Aua neʻi avea le taulau manuia e lē tumau o tagata amioleaga, ma tulaga e faalavelavea ai oe mai i le auaunaga iā Ieova. Ia taulaʻi atu pea i sini ma faamanuiaga faaleagaga

37:3

• Ia faatuatua ma mautinoa o le a tausia oe e Ieova i so o se taimi e te fesagaʻia ai popolega ma tulaga e lē mautonu ai. O le a ia fesoasoani iā te oe e tumau ona faamaoni

• Ia faaauau ona pisi i le taʻuina atu o le tala lelei o le Malo o le Atua

37:4

• Faatulaga se taimi e faitau ai le Afioga a le Atua, ia manatunatu loloto i ai, ma ia iai se sini ina ia iloa lelei Ieova

37:5, 6

• Ia maufaatuatuaina atoatoa Ieova o le a ia fesoasoani mai iā te oe, ina ia faafesagaʻia so o se faafitauli

• Faaauau ona faaalia amioga lelei a o feagai ma teteega, sauāga, po o tuuaʻiga sesē

37:7-9

• ʻAlofia le gaoioi e aunoa ma le mafaufau lelei, lea e iʻu ai ina mou atu lou olioli ma faaleagaina ai lau faiā ma Ieova

37:10, 11

• Ia saʻili le agamalu ma ia lotomaulalo, a o e faatalitali i le taimi o le a aveesea ai e Ieova faiga lē tonu uma o loo e fesagaʻia

• Ia lagolagosua i uso talitonu, ma faamāfanafana ē o loo mafatia e ala i le faauaʻi atu o i latou i le folafolaga a le Atua mo se lalolagi fou, lea ua toeitiiti oo mai