O mātua e matataʻu i le Atua e naunau i a latou fanau ia avea o ni auauna faamaoni a Ieova. E latou te faia faapea e ala i le totō o aʻoaʻoga a le Tusi Paia i loto o le fanau mai lava a o lāiti. (Te 6:7; Fat 22:6) Pe e manaʻomia ai ni faataulaga? Ioe, ma e matuā tauia na taumafaiga.​—3Io 4.

E mafai ona aʻoaʻoina e mātua se lesona mai iā Iosefa ma Maria. “E masani ona ō atu ona mātua i Ierusalema i lea tausaga ma lea tausaga, mo le tausamiga o le paseka,” e ui lava e manaʻomia ai taumafaiga ma tupe. (Lu 2:41) E manino mai, na la faamuamua manaʻoga faaleagaga o le la aiga. E faapena foʻi mātua i aso nei e mafai ona latou taʻitaʻia fanau i le ala saʻo, e ala i le faaaogā o avanoa uma e aʻoaʻo ai i latou e ala i upu ma faaaʻoaʻoga.​—Sl 127:3-5.

MAIMOA I LE VITIŌ NA LA FAAAOGĀ AVANOA UMA, ONA TALI LEA O FESILI NEI:

• Na faapefea ona faamuamua e Jon ma Sharon Schiller manaʻoga o le Malo a o tausia aʻe le fanau?

• Aiseā e ao ai i mātua ona aʻoaʻo, aʻoaʻi ma faasaʻo fanau e fua i o latou manaʻoga?

• E faapefea ona saunia e mātua fanau ina ia tumau i tofotofoga o le faatuatua?

• O ā ni meafaigaluega ua saunia mai e le faalapotopotoga a Ieova, ua e faaaogā e fesoasoani i le tuputupu aʻe faaleagaga o lau fanau?