MĀFUAAGA E TĀUA AI: E pei lava o isi meafaigaluega, e aogā tuatusi e fesootaʻi ai i le initaneti ae e iai foʻi ona lamatiaga. E filifili nisi Kerisiano e latou te lē faaaogāina nei tuatusi, ae ua faaaogā pea e nisi e fesootaʻi ai ma aiga ma uō. Peitaʻi, e manaʻo le Tiapolo e tatou te faaaogā sesē tuatusi e fesootaʻi ai i le initaneti, ina ia faaleagaina ai lo tatou talaaga ma la tatou faauōga ma Ieova. Ae i le pei o Iesu, e mafai ona tatou faaaogā ma faatatau mataupu silisili mai i le Afioga a le Atua ina ia iloagofie ai lamatiaga ma ʻalofia.​—Lu 4:4, 8, 12.

MAILEI E AO ONA ʻALOFIA:

• Faaalu le tele o le taimi i tuatusi e fesootaʻi ai. O le tele o le taimi e faaalu i le faaaogāina o tuatusi e fesootaʻi ai i le initaneti, e mafai ona faaitiitia ai pe leai foʻi so tatou taimi mo mea faaleagaga

  Mataupu silisili o le Tusi Paia: Efe 5:15, 16; Fil 1:10

• Matamata pe faitau i mea e lē talafeagai mo Kerisiano. O le matamata i ata faatosina e taʻitaʻia ai i le pulea e ata matagā taufeusuaʻiga po o faiga lē mamā. O le faitauina o tusitusiga a tagata ua liliu ese mai i le upu moni, e ono faaleagaina ai le faatuatua o se tasi

  Mataupu silisili o le Tusi Paia: Mat 5:28; Fil 4:8

• Faia o faamatalaga pe faaalia foʻi ata e lē talafeagai. Talu ai e taufaaʻoleʻole le loto, e ono uunaʻia ai se tasi e tuu i luga o se tuatusi e fesootaʻi ai i le initaneti ni faamatalaga po o ni ata e lē talafeagai. Peitaʻi, e ono faaleagaina ai se talaaga o se tasi pe māfua ai foʻi ona vaivai lona faatuatua

  Mataupu silisili o le Tusi Paia: Ro 14:13; Efe 4:29

MAIMOA I LE VITIŌ FAAAOGĀ MA LE ATAMAI TUATUSI I LE INITANETI, ONA ILOILO LEA PE E FAAPEFEA ONA ʻALOFIA NEI VAAIGA: