Ua faataatia e Iesu se faaaʻoaʻoga mo i tatou, aemaise lava pe a tatou feagai ma tulaga faigatā po o sauāga. (1Pe 2:21-23) E leʻi tauimasui atu Iesu, e ui na faalumaina o ia ma oo iā te ia puapuaga. (Mar 15:29-32) O le ā na fesoasoani iā te ia e tumau ai? Na ia maumauaʻi e faia le finagalo o Ieova. (Ioa 6:38) Na ia taulaʻi atu foʻi i le “olioli sa i ona luma.”​—Epe 12:2.

E faapefea ona tatou tali atu pe a faileagaina i tatou ona o lo tatou faatuatua? O Kerisiano moni e latou te lē “taui atu le leaga i le leaga.” (Ro 12:14, 17) Pe a tatou faaaʻoaʻo i le auala na onosaia ai e Keriso mafatiaga, o le a tatou olioli ona ua tatou maua le finagalo malie o le Atua.​—Mat 5:10-12; 1Pe 4:12-14.

MAIMOA I LE VITIŌ E SILI ONA TĀUA LE SUAFA O IEOVA, ONA TALI LEA O FESILI NEI:

• Na faapefea ona faaaogā tatau e le tuafafine o Pötzinger * lona taimi a o lokaina i se falepuipui?

• O ā mafatiaga na feagai ma le uso ma le tuafafine o Pötzinger a o iai i nofoaga eseese o faasalaga?

• O le ā na fesoasoani iā i laʻua ina ia tumau ai?