Aiseā e tatau ai ona filifili ma le atamai a tatou faafiafiaga? Talu ai pe a tatou filifilia se ata e matamata ai, se pese e faalogologo ai, se upega tafaʻilagi e asiasi i ai, se tusi e faitau, po o se taaloga vitiō e taalo ai, o lenā ua tatou filifilia mea e faatumu ai o tatou mafaufau. O a tatou filifiliga la e aafia ai a tatou amioga. E faanoanoa ona o le tele o faafiafiaga i aso nei, e aofia ai mea e taʻusalaina e Ieova. (Sl 11:5; Ka 5:19-21) O le māfuaaga lea ua uunaʻia ai i tatou e le Tusi Paia ina ia manatunatu pea i mea e faamamaluina ai Ieova.​—Fil 4:8.

MAIMOA I LE VITIŌ O Ā FAAFIAFIAGA E TATAU ONA OU FILIFILIA?, ONA TALI LEA O FESILI NEI:

• E faapefea ona tutusa taaloga sauā i Roma anamua ma nisi o faafiafiaga i aso nei?

• E faapefea ona fesoasoani sui o le faapotopotoga i talavou ina ia filifili ma le atamai a latou faafiafiaga?

• E faapefea i le Roma 12:9 ona aafia ai a tatou filifiliga i faafiafiaga?

• O ā nisi o faafiafiaga talafeagai i lou vaipanoa?