ʻOA TAUTELE MAI I LE AFIOGA A LE ATUA | IOPU 1-5
Sa Tumau le Faamaoni o Iopu e Ui i Tofotofoga
Sa nofo Iopu i Usa i le taimi na nofo pologa ai Isaraelu i Aikupito. Sa avea o ia ma auauna faamaoni a Ieova e ui e lē o ia o se tagatānuu o Isaraelu. Sa toʻatele lona aiga, tele lona tamaoaiga, ma sa taʻuleleia e tagata i lona vaipanoa. Na avea ma faufautua lelei, o se faamasino e lē faailoga tagata, ma o sē e limafoaʻi i ē matitiva ma i latou na manaʻomia le fesoasoani. O Iopu o se tagata faamaoni.
Sa avea Ieova ma Lē na sili ona tāua i le olaga o Iopu
-
Sa malamalama lelei Satani i le faamaoni o Iopu. O lea, e na te leʻi fesiligia le usiusitaʻi o Iopu iā Ieova, ae sa ia fesiligia uunaʻiga o gaoioiga a Iopu
-
Na finau mai Satani e ala ona auauna Iopu iā Ieova ona o māfuaaga manatu faapito
-
Ina ia saunia se tali i le luʻi a Satani, sa faataga ai e Ieova Satani e osofaʻia lenā tagata faamaoni. O lea, sa faapogaia ai e Satani mafatiaga i le olaga o Iopu
-
Ina ua tumau ona faamaoni Iopu, sa fesiligia loa e Satani le faamaoni o tagata uma
-
E leʻi agasala Iopu i nei mea uma pe tuuaʻia foʻi le Atua i se mea
