O le polosiua O Ai o Loo Faia le Finagalo o Ieova i Aso Nei?, sa faia faapitoa e talanoaina i le amataga po o le faaiʻuga o suʻesuʻega taʻitasi. * O le lesona 1 e oo i le 4 e iloa ai e tagata po o ai Molimau a Ieova, lesona 5 e oo i le 14 e latou te malamalama ai i galuega o loo tatou faia, ma le lesona 15 e oo i le 28 e latou te iloa ai le auala o loo faagaoioi ai la tatou faalapotopotoga. E sili ona lelei le talanoaina o lesona e faasolo mai le amataga, sei vaganā e iai se lesona ua naunau patino i ai le tagata. E taʻitasi itulau o lesona taʻitasi ma e mafai ona talanoa ma le tagata suʻesuʻe i le lima i le sefulu minute.

• Uaʻi atu i le fesili o loo i le ulutala o le lesona

• Faitau faatasi le lesona; e mafai ona faitau atoa pe faitau vaega

• Talanoa mea na faitauina. Faaaogā fesili i le pito i lalo o le itulau ma ata. Faitau ma talanoaina mau sii pe a talafeagai. Faamatilatila atu le auala e taliina ai e tamaʻi ulutala matamata tetele le fesili o loo i le ulutala o le lesona

• Pe afai e iai se pusa “Saʻiliʻili Atili,” ia faitau faatasi i ai ma faalaeiau lau tagata suʻesuʻe e faatatau fautuaga o loo iai