Ua fuafuaina faapitoa le polosiua Ia Faalogo i le Atua, ina ia aʻoaʻoina ai upu moni faavae o le Tusi Paia e faaaogā ai ata mo ē e lē lelei le faitau. O nei lesona e taʻilua itulau, ua uma ona saunia ma le faaeteete ona ata ma e iai aū e iloa ai le faasologa o ata.

O le polosiua E te Ola e Faavavau pe a E Faalogo i le Atua e tutusa ona ata ma le polosiua Ia Faalogo i le Atua. Peitaʻi e tele atu faamatalaga o le polosiua E te Ola e Faavavau pe a E Faalogo i le Atua, ma e faaaogā e tagata suʻesuʻe e lelei le faitau. E masani ona faaaogā e le tagata talaʻi lenā polosiua ae faaaogā e le tagata suʻesuʻe le polosiua Ia Faalogo i le Atua. O le tele o itulau e iai le pusa o loo iai faamatalaga faaopoopo e mafai ona talanoaina, e fua lava i le tomai o le tagata suʻesuʻe.

E mafai ona ofo se tasi o nei polosiua i so o se taimi, e tusa pe lē o le ofo lea o le masina. A o faia se suʻesuʻega faale-Tusi Paia, ia faaaogā ata e faamatala ai se tala o le Tusi Paia. Ia faaaogā fesili ina ia faaaofia ai le tagata suʻesuʻe, ma faamautinoa ua ia malamalama. Faitau ma talanoa i mau o loo i le pito i lalo o itulau taʻitasi. Pe a māeʻa ona suʻesuʻe le polosiua ona sosoo lea o le tusi O ā Aʻoaʻoga Moni a le Tusi Paia? po o le O ā Aʻoaʻoga Mai i le Tusi Paia?, ina ia fesoasoani i lau tagata suʻesuʻe e agaʻigaʻi i luma ma papatisoina.