25:1-12

E ui o le talafaatusa a Iesu i taupou e toʻasefulu na uaʻi atu i ona soo faauuina, ae e mafai foʻi ona faatatau atu lona uiga i Kerisiano uma. (w15 3/15 12-16) “O le mea lea, ia faaauau ai ona outou mataala, auā tou te lē iloa le aso po o le itula.” (Mat 25:13) Pe e mafai ona e faamatalaina le uiga o le talafaatusa a Iesu?

• Alii faaipoipo (fp. 1)​—Iesu

• Taupou faautauta ma sauniuni lelei (fp. 2)​—Kerisiano faauuina ua sauniuni lelei e faatino ma le faamaoni o latou tofiga, ma susulu atu e pei o ni molī e faamalamalama aʻi seʻia oo i le iʻuga (Fil 2:15)

• Le alaga, “Ua sau le alii faaipoipo!” (fp. 6)​—Faamaoniga o le faatasi mai o Iesu

• Taupou vālea (fp. 8)​—Kerisiano faauuina na ō atu e faafeiloaʻi le Alii faaipoipo ae e leʻi tumau ona mataala ma tausia lo latou faamaoni

• Mumusu taupou popoto e foaʻi a latou suāuu (fp. 9)​—Pe a mavae le faamaufaailoga faaiʻu, e lē mafai e Kerisiano faauuina faamaoni ona toe fesoasoani atu i ē e lē faamaoni

• “Taunuu mai loa le alii faaipoipo” (fp. 10)​—Afio mai Iesu e faia le faamasinoga a o lata i le iʻuga o le puapuaga tele

• Ulu atu taupou popoto ma le alii faaipoipo i le ʻaiga o le faaipoipoga, ma ua tapunia le faitotoʻa (fp. 10)​—Aoaoina e Iesu i le lagi ona soo faauuina faamaoni, ma ua melea e i latou na lē faamaoni lo latou taui i le lagi