AUALA E OLA AI O SE KERISIANO
Faaleleia o o Tatou Tomai i le Faiva—Tusiaina Lelei o Tusi
MĀFUAAGA E TĀUA AI: O le 1 Korinito, o se tasi o tusi mai i tusi e 14 na tusia e le aposetolo o Paulo e faalaeiau ai uso Kerisiano. Pe a tusia se tusi, e mafai e lē o loo ia tusia ona filifili lelei upu e faaaogā, ma e mafai e le tagata o loo tusi atu i ai ona faitau ma toe faitau. O tusi o se auala lelei lea e molimau atu ai i tauaiga, ma ē e tatou te feiloaʻi i ai. O se auala lelei foʻi lea e molimau atu ai i tagata e lē mafai ona tatou talanoa tuusaʻo i ai. O se faataʻitaʻiga, e ono faaalia e nisi le fiafia ae e faigatā ona maua i o latou fale. O nisi i a tatou oganuu e faigatā ona oo atu i ai ona e nonofo i fale mautotogi tetele e matuā leoleoina lelei, o nofoaga e loka faitotoʻa o alatatala e agaʻi atu i ai, po o nofoaga maotua. O ā nisi o manatu e tatau ona manatua aemaise pe a tusi atu i se tagata e lē masani i ai?
LE AUALA E FAI AI:
-
Ia tusi i lau tusi tala ia e te ono fai atu i le tagata pe afai e te lua talanoa faafesagaʻi. Ia faailoa atu oe i le amataga o lau tusi, ma faailoa manino le māfuaaga ua e tusi atu ai. E te ono faatū atu se fesili e mafaufau i ai le tagata ma faasino o ia i la tatou upega tafaʻilagi. Ia faailoa i ai la tatou polokalame o le suʻesuʻeina o le Tusi Paia i lona aiga, ma taʻua nisi o ulutala o mataupu mai i se tasi o tatou meafaigaluega mo talanoaga faale-Tusi Paia. E mafai foʻi ona ave faatasi i le tusi se pepa mo faamatalaga, se valaaulia po o se sāvali
-
Ia faapuupuu. Ia faaiʻu le tusi a o leʻi fiu le tagata o loo tusi atu i ai e faitau.—Tagaʻi i le tusi faataʻitaʻi
-
Ia toe siaki lau tusi mo ni vaega e manaʻomia ona faasaʻo, ia mamā ma faigofie ona faitau. Ia faamautinoa e logolelei ma ia faalaeiau