O fesoasoani vaaia, e faauaʻi mai ai le tagata ma fesoasoani iā te ia e malamalama ma manatua mea na ia aʻoaʻoina. Na faaaogā e lo tatou Aʻoaʻo Sili o Ieova fesoasoani vaaia e aʻoaʻo ai lesona tāua. (Ke 15:5; Ie 18:1-6) Na faaaogā foʻi e le Faiaʻoga Sili o Iesu. (Mat 18:2-6; 22:19-21) O se tasi o fesoasoani vaaia ua faamaonia le matuā aogā i aso nei, o vitiō. Po o e faaaogāina lelei vitiō e aʻoaʻo ai au tagata suʻesuʻe o le Tusi Paia?

Ua saunia vitiō e 10 e fesoasoani ai iā i tatou e aʻoaʻo atu le polosiua Tala Lelei Mai i le Atua! O lea, o matua o nei vitiō taʻitasi e fesootaʻi atu i nisi o fesili o loo faamatamata tetele atu i le polosiua. O le polosiua o loo i le upega tafaʻilagi, o loo aofia ai link e iloa ai le taimi tonu e faaali ai nei vitiō. E lē gata i lea, e iai foʻi isi vitiō e fesootaʻi atu i mataupu o loo i lomiga mo suʻesuʻega i a tatou Meafaigaluega mo le Aʻoaʻo Atu.

Po o lua talanoa i se mataupu o le Tusi Paia atonu e faigatā i lau tagata suʻesuʻe ona malamalama i ai? Po o feagai foʻi lau tagata suʻesuʻe ma se faafitauli patino? Ia saʻili i vitiō i le jw.org® po o le TV i le Initaneti a Molimau a Ieova®, ina ia maua ai se vitiō e aogā mo ia. Atonu e mafai ona lua matamata faatasi ma lau tagata suʻesuʻe i se tasi o na vitiō, ona lua talanoa lea i ai.

E maua i masina taʻitasi vitiō fou. A o e matamata i ai, mafaufau i auala e mafai ona e faaaogā e aʻoaʻo ai isi.