E faigofie ona tatou lotovaivai ona o luʻi aemaise pe a umi se taimi o fesagaʻia. Na iloa e Tavita e iai le taimi o le a faamuta ai le luʻi na ia fesagaʻia e uiga i le tupu o Saulo, ma o le a avea o ia ma tupu e pei ona folafola mai e Ieova. (1Sa 16:13) Na fesoasoani le faatuatua iā Tavita e onosaʻi ma faatalitali ai iā Ieova.

Pe a fesagaʻia luʻi, e ono mafai ona tatou suia le tulaga o mea e ala i le faaaogā o le utaga mamao, atamai po o le mafaufau lelei. (1Sa 21:12-14; Fat 1:4) Peitaʻi, o le a iai pea isi faafitauli e ui ua tatou faia mea uma e ōgatusa ma mataupu silisili o le Tusi Paia. I na tulaga, e tatau ona tatou onosaʻi ma faatalitali iā Ieova. Ua toeitiiti ona ia aveesea lea o o tatou mafatiaga uma ma ʻsoloiesea loimata uma’ mai i o tatou mata. (Fal 21:4) E tusa pe tatou te maua le mapusaga ona o Ieova po o se isi māfuaaga, ae e tasi le mea ua tatou mautinoa i ai: E lē tumau luʻi tatou te fesagaʻia. E faamāfanafanaina i tatou i lenei manatu.

MAIMOA I LE VITIŌ O NI TAGATA E AUTASI I SE LALOLAGI FEVAEVAEAʻI, ONA TALI LEA O FESILI NEI:

• O ā luʻi na fesagaʻia e nisi o Kerisiano i le itu i saute o le Iunaite Setete?

• Na faapefea ona latou faaalia le onosaʻi ma le alofa?

• Na faapefea ona latou uaʻi pea i “mea e sili ona tāua”?—Fil 1:10