Faitau ai le Tusi Paia ma le mau o le aso

Faitau ai le Yearbook, mekasini, ma isi lomiga. Ia faaaogā le faailoga tusi (bookmark)

Sauniuni ai mo mataupu o le sauniga, ma vase au tali

Matamata ai i vitiō

Suʻe ai mau o loo taʻua e le failauga. Faaaogā le vaega e taʻua o le history ina ia toe foʻi ai i se mau na e suʻeina muamua

Nai lo o le sau i le sauniga ma aumai le tele o lomiga, ia faaaogā le polokalame o le JW Library o loo i lau masini faaonapōnei, e mulimuli ai i mataupu eseese o le sauniga ma usu ai pese. Ua iai i le JW Library pese fou, ia e leʻi maua i la tatou tusi pese

E faaali ai i se tagata fiafia se mataupu po o se vitiō mai i le JW Library, ma fesoasoani iā te ia e kopi le polokalame o le JW Library i sana masini faaonapōnei

Ia faaaogā le vaega e saʻili ai se manatu (search feature), ina ia suʻe ai se fuaiupu o le Tusi Paia

Ia faaali se vitiō. Pe afai e iai se fanau a le tagata o le aiga, ia faaali i ai se tasi o vitiō o le Avea Oe ma Uō a Ieova. Pe e faaali i le tagata le vitiō Aiseā e Suʻesuʻe ai le Tusi Paia?, ina ia faaoso ai le naunau e amata se suʻesuʻega faale-Tusi Paia. Pe afai e tautala le tagata i se isi gagana, ia faaali i ai se vitiō i lana gagana

Ia faaali i le tagata se mau i se isi gagana, mai i se faaliliuga o le Tusi Paia ua uma na e kopiina. Suʻe le mau, oomi le fuainumera o le fuaiupu, ona oomi lea o le vaega lea e mafai ai ona faitau lenā fuaiupu i isi faaliliuga