O le JW Library o se polokalame i le Initaneti (software application) e leai se totogi, lea e mafai ai ona e kopiina mai le Tusi Paia, o isi lomiga, vitiō, ma tala faalogologo agaʻi i lau telefoni, komepiuta, po o se isi masini faaonapōnei.

LE AUALA E MAUA AI: Ia faaaogā le Initaneti e kopi mai ai le polokalame o le JW Library mai i le app store. O le JW Library, e mafai ona faaaogā mo masini eseese faaonapōnei. Pe afai e te faaaogā le Initaneti, ia tatala le polokalame o le JW Library ma filifili lomiga, vitiō po o tala faalogologo e te manaʻo e kopi mai. Pe afai e lē maua le Initaneti i lou fale, atonu e mafai ona faaaogā le Initaneti i le Maota mo Sauniga, se faletusi mo le lautele, po o se faleʻaiga foʻi. Pe a uma ona kopi lomiga i sau masini faaonapōnei, e lē toe manaʻomia le Initaneti ina ia mafai ai ona faaaogā na lomiga. Talu ai e fai ma iai ni suiga fou e faia i le polokalame o le JW Library, e manaʻomia la ona e faaaogā le initaneti ina ia maua ai na suiga fou.

MĀFUAAGA E TĀUA AI: O le JW Library, e faafaigofie ai ona fai au suʻesuʻega totino ma mulimuli ai i mataupu o le sauniga. E aogā tele foʻi mo le faiva, aemaise pe a molimau atu lē fuafuaina.