Na faaaogā e Iesu mea e leʻi leva ona tutupu e aʻoaʻo mai ai ni lesona. (Lu 13:1-5) E mafai foʻi ona e faaaogā mea e leʻi leva ona tutupu e faaosofia ai le naunau o tagata i le feʻau o le Malo. Pe a uma ona e taʻua le popole i tulaga tau tupe, se mala faalenatura, faalavelave faafuaseʻi, pulea e fualaau faasāina po o se isi mea, ia fai atu se fesili faatupu manatu. E te ono fesili atu: “Pe e iai se taimi e te manatu o le a faamuta ai . . . ?” po o le “Pe e te manatu o le vaifofō i lenei faafitauli o le . . . ?” Ona faasoa lea o se mau e fesootaʻi i le mataupu. Pe a faaalia e le tagata le fiafia, ona faasino lea i se vitiō po o se lomiga mai i a tatou Meafaigaluega mo le Aʻoaʻo Atu. A o tatou taumafai e pāʻia loto o tagata i le oganuu, seʻi o tatou “faia mea uma ona o le tala lelei.”—1Ko 9:22, 23.

O ā mataupu e ono fiafia i ai tagata o lau oganuu?