“E fiafia Ieova i lona nuu.” (Sl 149:4) E ui e tatou te lē lelei atoatoa, ae e silasila o ia i o tatou uiga lelei ma tomai. Peitaʻi, e iai taimi e faigatā ai iā i tatou ona iai se vaaiga paleni iā i tatou lava. E tatou te ono lagona le leai o se aogā ona o le auala e feutagaʻi ai isi ma i tatou. O lo tatou taulaʻi foʻi i mea sesē na tatou faia i le taimi ua teʻa, e tatou te ono masalosalo ai pe e alofa moni Ieova iā i tatou. O le ā e fesoasoani iā i tatou pe a feagai ma na faalogona?

Ia manatua, e silafia e Ieova mea e lē iloa e tagata. (1Sa 16:7) O lona uiga, e tele atu mea e silafia e Ieova e oo lava i mea e faatatau iā i tatou lava. E tatou te lotofaafetai ona ua faailoa mai i le Tusi Paia le auala e silasila ai Ieova iā i tatou. E mafai ona tatou iloa lenā mea, e ala i le iloiloina o mau ma tala o le Tusi Paia ua faailoa mai ai le tele o le alofa o Ieova i ona tagata tapuaʻi.

MAIMOA I LE VITIŌ IA MAUTINOA I LOU LOTO E ALOFA IEOVA IĀ TE OE, ONA TALI LEA O FESILI NEI:

• O le ā e tatou te aʻoaʻoina e faatatau i le silafaga a Ieova iā i tatou mai i le talafaatusa i le tagata tamoʻe ma lona tamā?

  Your answer

• Pe a uia e se tagata na faia se agasala matuiā laasaga e toe faaleleia ai lana faiā ma Ieova, e faapefea ona ia mautinoa i lona loto e alofa Ieova iā te ia?—1Io 3:19, 20

  Your answer

• Na faapefea ona aogā i le uso le faitau ma manatunatu i tala e faatatau iā Tavita ma Iosefatu?

  Your answer