MĀFUAAGA E TĀUA AI: O le molimau atu i le telefoni o se auala tāua e avatu ai se “molimau māeʻaeʻa i le tala lelei.” (Ga 20:24) * E mafai ai ona tatou talaʻi atu i se tasi e lē mafai ona tatou asiasi i ai ona o nisi o māfuaaga.

LE AUALA E FAI AI:

• Ia sauniuni. Filifili se mataupu talafeagai, ona faatulaga lea o manatu e te manaʻo e talanoa ai. E te ono sauniuni foʻi se feʻau puupuu e faailoa atu ai le māfuaaga o lou vili atu, pe afai e tali mai le masini. O se mea lelei foʻi le faaaogā o se laulau e tuu ai au faamaumauga, ma isi mea e manaʻomia e pei o se masini faaonapōnei o loo iai le JW Library^® po o le jw.org^®

• Ia toʻa. Ia talanoa i se auala masani. Ia ataata ma fai au taga e pei lava o loo e vaai atu i le tagata. ʻAlofia le taofi o lau tautala i vaega e lē manaʻomia. E aogā foʻi le galulue faatasi ma isi. Pe a fesili mai le tagata o le aiga, ia e toe taʻua leotele le fesili ina ia lagona e lau paga ma fesoasoani ai i le suʻeina o le tali

• Ia faataatia se faavae lelei mo se toe asiga. Pe a fiafia le tagata, ia tuu se fesili e talanoa ai i le isi taimi. Atonu e mafai ona e lafo atu i le imeli, pe momoli saʻo atu i ai se lomiga patino. E mafai foʻi ona e lafoina atu se vitiō po o se mataupu e ala i le imeli po o se feʻau tusitusia. Pe a talafeagai, ia faailoa i ai la tatou Online Bible Study Lessons po o se isi meafaigaluega i la tatou upega tafaʻilagi