A o faagasolo le tele o tausaga, ua faataunuuina e auauna a le Atua le tele o mea mataʻina, e lē ona o lo latou lava tomai, ae ona o le fesoasoani a Ieova. I le 1954, na tatalaina ai e le faalapotopotoga a Ieova le ata The New World Society in Action (Galuega a le Faalapotopotoga a Ieova) *. Na saunia e ni tagata Peteli e leai ni tomai i le faia o vitiō. O lenei galuega faigatā na mafai ona faataunuuina ona o le agaga paia o Ieova. Ua faamautinoa mai ai, e mafai ona tatou taulau i so o se faaeaga e maua, pe a tatou faalagolago iā Ieova.​—Sak 4:6.

MAIMOA I LE VITIŌ SAUNIAINA O LE ATA “GALUEGA A LE FAALAPOTOPOTOGA A IEOVA,” ONA TALI LEA O FESILI NEI:

• Aiseā na faia ai se faaiʻuga e saunia se vitiō e faatatau i le ofisa ulu?

• Ua faapefea ona faailoa mai i le vitiō, o le Peteli e pei o le tino o le tagata?​—1Ko 12:14-20

• O ā luʻi na feagai ma uso a o saunia le vitiō, ma na faapefea ona latou foʻia na luʻi?

• O le ā ua tatou aʻoaʻoina mai i lenei vitiō e faatatau i le agaga paia o Ieova?