Novema 18-24
SALAMO 107-108
Pese 7 ma le Tatalo | Upu Tomua (1 minu.)
1. “Ia Faafetai Atu iā Ieova, Auā e Lelei o Ia”
(10 minu.)
E pei ona laveaʻia e Ieova Isaraelu mai iā Papelonia, ua laveaʻia foʻi e Ieova i tatou mai i le lalolagi a Satani (Sl 107:1, 2; Ko 1:13, 14)
O le lotofaafetai e uunaʻia ai i tatou e vivii atu iā Ieova i le faapotopotoga (Sl 107:31, 32; w07 4/15 20 ¶2)
E mafai ona tatou atiaʻe le lotofaafetai e ala i le iloilo totoʻa o galuega o le alofa faamaoni o Ieova (Sl 107:43; w15 1/15 9 ¶4)
2. Saʻiliʻiliga mo ʻOa Faaleagaga
(10 minu.)
-
Sl 108:9—Ina ua faatusaina e le Atua Moapi i le “tanoa e mulumulu ai” o ia, o le ā atonu e faasino atu i ai? (it-2 420 ¶4)
-
O ā ni ʻoa faaleagaga mai i le faitau Tusi Paia o lenei vaiaso na e fiafia i ai?
3. Faitau Tusi Paia
(4 minu.) Sl 107:1-28 (th suʻesuʻega 5)
4. Amataina o se Talanoaga
(3 minu.) MOLIMAU LĒ FUAFUAINA. (lmd lesona 1 manatu 4)
5. Toe Asia le Tagata
(4 minu.) MOLIMAU LĒ FUAFUAINA. Faamatala le auala e faia ai se suʻesuʻega faale-Tusi Paia, ona ofo lea o se pepa o faamatalaga mo talanoaga faale-Tusi Paia. (lmd lesona 9 manatu 3)
6. Lauga
(5 minu.) ijwyp 90—Matua: E Faapefea Ona Ou Teena Vaaiga Sesē? (th suʻesuʻega 14)
Pese 46
7. E Tatou te Usuina Pese e Faafetai ai iā Ieova
(15 minu.) Talanoaga.
Ina ua laveaʻiina e Ieova tagata Isaraelu mai i ʻautau malolosi a Aikupito i le Sami Ulaula, na latou faaalia le lotofaafetai e ala i le usuina o se pese e faatatau i mea na faia e Ieova. (Eso 15:1-19) Na taulamua tane i le usuina o lenei pese fou. (Eso 15:21) Na usuina foʻi e Iesu ma uluaʻi Kerisiano pese e vivii ai i le Atua. (Mat 26:30; Ko 3:16) O loo faaauau foʻi ona faaalia lo tatou lotofaafetai iā Ieova e ala i le usuina o pese i sauniga a le faapotopotoga, fonotaga, ma tauaofiaga. O se faataʻitaʻiga, o le pese “Ieova e, ua Matou Faafetai iā te Oe,” lea faatoʻā uma ona tatou usuina, na amata ona tatou faaaogāina i a tatou sauniga talu mai le 1966.
I nisi aganuu, e matamumuli tane e pepese i luma o tagata. E ono faatalatū nisi e pepese ona e manatu e lē lelei o latou leo. Peitaʻi, e ao ona tatou manatua, o le usuina o pese i sauniga o se vala o le tatou tapuaʻiga. O loo faia e le faalapotopotoga a Ieova le tele o taumafaiga e saunia pese matagofie, ma filifili pese talafeagai e faaaogā i sauniga taʻitasi. E pau la tatou vaega e fai, o le pepese faatasi ina ia faailoa atu ai lo tatou alolofa ma le talisapaia o lo tatou Tamā i le lagi.
Faaali le VITIŌ O Mea na Tutupu i le Tatou Talafaasolopito—Le Meaalofa o le Pese, Vaega 2, ona fesili lea i le aofia:
-
O le ā se mea na tupu i le 1944?
-
Na faapefea ona faaalia e o tatou uso i Siberia lo latou fiafia e usu pese o le Malo?
-
Aiseā e tāua ai i Molimau a Ieova le usuina o pese?
8. Suʻesuʻega Faale-Tusi Paia a le Faapotopotoga
(30 minu.) lff lesona 56, Faaopoopoga 6 ma le 7