ʻOA TAUTELE MAI I LE AFIOGA A LE ATUA | FAATAOTO 12-16
E Sili Atu le Atamai i lo o le Auro
Aiseā e tautele ai le atamai faale-Atua? O le iai o le atamai mai i le Atua e mafai ona puipuia ai se tasi mai i le uia o ala sesē, ma laveaʻiina ai lona ola. E iai foʻi se aafiaga lelei i uiga o se tasi, o ana gaoioiga, faapea ana faamatalaga.
O le atamai e puipuia ai mai i le faamaualuga
-
O se tagata e atamai, e na te amanaʻia o Ieova o le Puna o le atamai uma
-
E tatau i ē e taulau manuia i le olaga ma maua isi tiute tauave faaopoopo, ona matuā faaeteete ina ia aua neʻi faamaualuga
O le atamai e uunaʻia ai se tasi e faia ni faamatalaga e atiaʻe ai
-
E faaaogā e se tasi e atamai le utaga mamao, ina ia iloa ai uiga lelei o isi ma faia ni faamatalaga lelei e uiga iā i latou
-
O faamatalaga atamai e suamalie pei o se meli ma e uunaʻia ai se tasi e faia se mea, ae e lē soonafai pe faatupu ai foʻi ni misa
