Ua iai i Molimau a Ieova se faaeaga faapitoa. I le avea ai o ni Kerisiano ua tuuina atu ma papatisoina, o loo faaauau pea ona tatou atiaʻe se faiā vavalalata ma māfana ma le Alii Pule Silisili Ese o Ieova. Ua ia tosina atu i tatou iā te ia e ala i lona Alo, ma e faafofoga mai o ia i a tatou tatalo.​—Ioa 6:44; Sl 34:15.

E faapefea ona puipuia la tatou faiā tautele ma le Atua? O se tasi o auala, o le ʻalofia lea o le faia o mea sesē na faia e tagata Isaraelu. E leʻi leva lava ona latou osia se feagaiga ma Ieova, ae latou faia se tamaʻi povi auro ma ifo i ai. (Eso 32:7, 8; 1Ko 10:7, 11, 14) E tatou te ono fesili ifo: ʻO le ā le auala ou te tali atu ai pe a ou feagai ma se faaosoosoga? Po o faaalia atu i aʻu gaoioiga ou te faatāua laʻu faiā ma Ieova?’ O le tele o lo tatou alofa mo lo tatou Tamā i le lagi, o le a fesoasoani iā i tatou e ʻalofia ai le faia o mea e na te inosia.​—Sl 97:10.

MAIMOA I LE VITIŌ IA PUIPUIA LAU FAIĀ MA IEOVA (KO 3:5), ONA TALI LEA O FESILI NEI:

• O le ā le manaʻo tele?

• Aiseā e tatau ai ona tatou teena le manaʻo tele ma le ifo i tupua?

• O le ā le fesootaʻiga o le mulilua ma le ifo i tupua?

• Aiseā e tatau ai, aemaise lava iā i latou e iai tiute tauave i le faapotopotoga, ona tausia manaʻoga o a latou paaga?