E tatau i se tagata taalo ona toleni pea ina ia tumau ai ona malosi. I se tulaga talitutusa, e tatau ona faaauau pea ona tatou taumafai e toleni o tatou mafaufau. (Epe 5:14) E ui e ono faigofie ona taaʻina i tatou i filifiliga e faia e isi, ae e tatau ona tatou taumafai e faaaogā le mafaufau lelei, e faia ai a tatou lava faaiʻuga. Aiseā? E taʻitoʻatasi i tatou ma tali atu e tusa ma a tatou filifiliga.​—Ro 14:12.

E lē tatau ona tatou manatu o le a tatou faia pea filifiliga lelei, ona ua tele tausaga talu ona papatiso. Ina ia faia filifiliga lelei, e manaʻomia ona tatou faalagolago atoatoa iā Ieova, lana Afioga, ma lana faalapotopotoga.—Ios 1:7, 8; Fat 3:5, 6; Mat 24:45.

MAIMOA I LE VITIŌ “IA TAUSISI I SE LOTOFUATIAIFO LELEI,” ONA TALI LEA O FESILI NEI:

• O le ā se filifiliga na fesagaʻia e Ema?

• Aiseā e tatau ai ona ʻalofia le faailoa atu o ō tatou lava manatu, i mataupu e faaaogā ai le lotofuatiaifo o le tagata lava ia?

• O le ā le fautuaga atamai na faailoa atu e se ulugalii iā Ema?

• O fea na maua ai e Ema faamatalaga aogā e faatatau i le mataupu?