Maʻeu lo tatou fiafia i le mauaina o se polosiua ma se tusi fou mo le faia o suʻesuʻega faale-Tusi Paia! E tatou te tatalo mo le faamanuia a Ieova i a tatou taumafaiga ina ia maua le tele o nisi soo. (Mat 28:18-20; 1Ko 3:6-9) E faapefea ona tatou faaaogāina lenei meafaigaluega fou?

O le lomiga Se Olaga Fiafia e Faavavau! mo talanoaga faale-Tusi Paia, o loo aumaia ai se isi auala fou tau aʻoaʻo atu. O lea, ia mulimuli i taʻiala nei a o sauniuni, ma pe a faia le suʻesuʻega faale-Tusi Paia. *

• Faitau le mataupu ma talanoa i fesili

• Faitau mau “faitau,” ma fesoasoani i le tagata aʻoga ina ia malamalama i le auala e faatatau ai

• Faaali vitiō ma talanoa i fesili ua saunia

• Taumafai e talanoa uma le lesona e tasi i le suʻesuʻega

I le talaʻiga, ia ofo muamua le polosiua e iloa ai pe naunau moni le tagata. (Tagaʻi i le pusa “ Le Auala e Ofo ai le Polosiua Se Olaga Fiafia e Faavavau! i le Uluaʻi Asiasiga.”) Pe a uma ona suʻesuʻe le polosiua, ma e manaʻo le tagata aʻoga e faaauau, ona ofo lea i ai o le tusi ma amata i le lesona 4. Pe afai o loo lua suʻesuʻe ma se tasi i le tusi Aʻoaʻoga Mai i le Tusi Paia po o le Tumau i le Alofa o le Atua, e mafai ona sui loa i le tusi Se Olaga Fiafia e Faavavau! ma vaai po o fea le lesona e tatau ona amata ai.

MAIMOA I LE VITIŌ LE AUALA E FAI AI LAU SUʻESUʻEGA FAALE-TUSI PAIA, ONA TALI LEA O FESILI NEI:

• O ā mea o le a aʻoaʻoina e tagata aʻoga mai i lenei tusi fou?

• Aiseā e tatau ai ona faaali lenei vitiō i tagata aʻoga fou?

• O ā sini e tatau ona e faalaeiau le tagata aʻoga e ausia?​—Tagaʻi i le siata “ Sini mo Vaega Taʻitasi”