A o faagasolo Novema, o le a tatou faia taumafaiga uma e faailoa atu le tala lelei, ua lata mai le lalolagi fou. (Sl 37:10, 11; Fal 21:3-5) Ia fetuunaʻi lau faasologa ina ia mafai ona fai sou sao atoatoa i lenei tauiviga. Pe a e fia paeonia lagolago i lenei masina, e mafai ona e filifili i le 30 po o le 50 itula.

Ia sauniuni e faailoa atu se mau e faatatau i le lalolagi fou, i le tele o tagata e mafai ai. Pe a filifili se mau e faitau, ia mafaufau i se mau e faigofie ona tosina mai ai tagata o lau oganuu. Pe a faaalia e se tasi le fiafia i le uluaʻi asiasiga, ia ofo i ai se kopi o le lomiga mo le lautele o Le Olomatamata Nu. 2 2021. Ia vave ona toe asi le tagata, ma taumafai e amata se suʻesuʻega faale-Tusi Paia i le polosiua Se Olaga Fiafia e Faavavau! Maʻeu se fiafiaga, pe a tatou faia se sao atoatoa i le folafolaina atu o le “tala lelei i mea e sili ona lelei”!​—Isa 52:7.

MAIMOA I LE VITIŌ LE LALOLAGI FOU O LE A OO MAI, ONA TALI LEA O FESILI NEI:

• O ā mea mananaia i le lumanaʻi o loo faaāta e le teineitiiti?

• O ā nisi o mea o loo e tulimataʻia i le lalolagi fou?

• E faapefea ona fesoasoani le manatunatu loloto i lou faamoemoe, e sauniunia ai oe e faia se sao atoatoa i le tauiviga iā Novema?​—Lu 6:45