Pe a faigatā ona maua se galuega totogi, e ono faigatā foʻi ona tatou faamuamua le Malo ma le amiotonu a le Atua i o tatou olaga. E ono faaosoosoina ai i tatou e talia se galuega e faalavelavea ai la tatou auaunaga iā Ieova, pe solia ai mataupu silisili a le Tusi Paia. Peitaʻi, e tatou te mautinoa o le a faaali atu e Ieova lona malosi “iā i latou e atoatoa o latou loto iā te ia.” (2No 16:9) E leai se mea e taofia ai lo tatou Tamā alofa mai le fesoasoani ma saunia mai mea tatou te manaʻomia. (Ro 8:32) O lea, pe a filifilia se galuega, e tatau ona tatou maufaatuatuaina Ieova, ma faamuamua pea le auaunaga iā te ia i o tatou olaga.​—Sl 16:8.

MAIMOA I LE VITIŌ GALUE MA LE LOTOATOA MO IEOVA, ONA TALI LEA O FESILI NEI:

• Aiseā na musu ai Iasoni e talia se tupe faaalatua?

• E faapefea ona faatatau mai iā i tatou le Kolose 3:23?

• Na faapefea ona aafia Tomasi i le faaaʻoaʻoga lelei a Iasoni?

• E faapefea ona faatatau mai iā i tatou le Mataio 6:22?