Ua aumaia e le Afioga a le Atua mea uma e tatou te manaʻomia, ina ia fesagaʻia ai faafitauli i nei taimi faigatā o aso e gata ai. (2Ti 3:1, 16, 17) Peitaʻi, e iai taimi e tatou te manaʻomia ai se fesoasoani, i le saʻilia o se mataupu silisili o le Tusi Paia e faatatau i se tulaga patino. Mo se faataʻitaʻiga, po o oe o se matua o loo saʻilia se fautuaga i le auala e tausia ai le fanau? Po o oe o se talavou o loo tofotofoina lou faatuatua? Po o e lagona le faavauvau ona o le maliu o lau paaga faaipoipo? O le a e maua i le jw.org ni faamatalaga o loo iai mataupu silisili maʻoti o le Tusi Paia, e fesoasoani i tulaga o loo e fesagaʻia ma isi tulaga.—Fat 2:3-6.

I le itulau autū o le jw.org, oomi le vaega AʻOAʻOGA A LE TUSI PAIA ona filifili lea o se mataupu e te fiafia e faitau i le lisi o loo iai. (Tagaʻi i le ata 1.) Po o le oomi o le vaega LOMIGA MA ISI MEA > FAASOLOGA O MATAUPU ona filifili lea o se mataupu e te fiafia e faitau i le lisi o loo iai. (Tagaʻi i le ata 2.) E te maua foʻi vaega lava na e tasi, i le JW Library^®. * Atonu o le a e fiafia e suʻe ni mataupu i vaega eseese nei. O le isi auala, o le tā o se mataupu patino i totonu o le pusa suʻe i le jw.org.

Tā i totonu o le pusa o loo iai le upu suʻe, mataupu o loo mulimuli mai ma tusi i lalo lomiga o loo iai e te manaʻo e faitau.

• Tausia o fanau

• Lotomafatia o talavou

• Maliu o se paaga faaipoipo