O loo iai i le itulau autū o la tatou upega tafaʻilagi mataupu ma vitiō e faaosofia ai le naunau o tagata lotofaamaoni. (Ga 13:48) E masani ona faamatilatila ai mataupu o loo taʻua i tala fou, po o mataupu o loo mafaufau ma talanoa ai tagata.

E faapefea ona e faaaogāina le itulau autū o le jw.org i lau faiva?

• Siaki e lē aunoa le upega tafaʻilagi. Ia mātau mea fou o loo iai, ma iloilo pe faapefea ona e faaaogāina e fesoasoani ai i se tasi e faaalia le fiafia. (Ina ia maua isi mataupu e leʻi leva ona iai i le itulau autū, oomi le “Saʻiliʻili Atili.”) O le siaki e lē aunoa o la tatou upega tafaʻilagi, o le a e maua ai pea manatu fou e faaaogā i lau faiva.

• Faaaogā mataupu ma vitiō o loo i le itulau autū e amata ai se talanoaga. O nei vala, e tatou te iloa ai mataupu atonu o loo mafaufau i ai tagata i le oganuu.

• Faasino i le tagata le itulau autū. Faamatilatila ni mataupu patino, ma faasino i le tagata le auala e maua ai na mataupu i le upega tafaʻilagi.

• Lafo atu se link. O nisi tagata e lē fia talanoa mai iā i tatou, ae e fiafia e asiasi i la tatou upega tafaʻilagi. O lea, aua le faatalatū e lafo atu i tagata e faaalia le fiafia se link o le itulau autū, po o se mataupu po o se vitiō o loo iai.