MĀFUAAGA E TĀUA AI: E tatau ona aʻoaʻo e tagata tapulaa a Ieova ma usitaʻi i ai, ina ia talia ai e Ieova a latou tapuaʻiga. (Isa 2:3, 4) O le tusi ʻAlofa o le Atua’ o le tusi lona lua lea e suʻesuʻe ma se tagata aʻoga, ma e fesoasoani iā te ia e malamalama lelei ai i le auala e faatatau ai mataupu silisili i aso faisoo. (Epe 5:14) E tatau ona tatou taumafai malosi e pāʻia o latou loto pe a aʻoaʻo atu, ina ia iā i latou se uunaʻiga saʻo e faia ai ni suiga.—Ro 6:17.

LE AUALA E FAI AI:

• Ia sauniuni lelei, ma ia manatua manaʻoga o lau tagata aʻoga. Faatulaga ni fesili faatupu manatu e fesoasoani e utufia mai ai ona manatu ma faalogona i se mataupu.—Fat 20:5; be 259

• Faaaogā pusa o loo iai i le tusi e fesoasoani ai i lau tagata aʻoga, e iloa le tāua o le faatatau o mataupu silisili o le Tusi Paia

• Fesoasoani i lau tagata aʻoga e fefulifulisaʻi i mataupu e tuu i le filifiliga a le lotofuatiaifo o le tagata lava ia, ae ʻalofia lou faia o le faaiʻuga mo ia.—Ka 6:5

• Ia mātau ma le faautauta po o manaʻomia e lau tagata aʻoga se fesoasoani i le faatatauina o se mataupu silisili. Ia faalaeiau ma le agalelei o ia e faia ni suiga e faavae i lona alofa mo Ieova.—Fat 27:11; Ioa 14:31