MĀFUAAGA E TĀUA AI: E faatupu e Ieova le upu moni i loto o ē ua “saunia o latou loto mo le ola e faavavau.” (Ga 13:48; 1Ko 3:7) E tatou te galulue faatasi ma Ieova, e ala i le uaʻi atu o a tatou taumafaiga i le faiva i ē e mananaʻo e faatatau mea ua latou aʻoaʻoina. (1Ko 9:26) E manaʻomia ona malamalama tagata suʻesuʻe o le Tusi Paia o le papatisoga faa-Kerisiano e tāua mo le mauaina o le faaolataga. (1Pe 3:21) E tatou te fesoasoani iā i latou ina ia avea ma soo, e ala i le aʻoaʻo o i latou ia faia suiga i o latou olaga, talaʻi ma aʻoaʻo atu, ma tuuina atu o latou ola iā Ieova.​—Mat 28:19, 20.

LE AUALA E FAI AI:

• Faamanatu i tagata suʻesuʻe o le Tusi Paia, o le fuafuaga o le suʻesuʻega “ia latou iloa” Ieova ma faafiafiaina o ia.​—Ioa 17:3

• Fesoasoani iā i latou ia agaʻigaʻi i luma faaleagaga, e ala i le teena o luʻi e pei o masaniga leaga ma aumea lē lelei

• Faamalosia ma faalaeiau i latou a o leʻi papatiso, ma pe a māeʻa foʻi ona papatiso.​—Ga 14:22

MAIMOA I LE VITIŌ E FESOASOANI IEOVA LE ATUA IĀ TE OE, ONA TALI LEA O FESILI NEI:

• O ā popolega e ono taofia ai se tasi mai le tuuina atu ma papatiso?

• E faapefea ona fesoasoani toeaina i tagata suʻesuʻe ina ia agaʻigaʻi i luma faaleagaga?

• O le ā e tatou te aʻoaʻoina mai i le Isaia 41:10 e faatatau iā Ieova?

• O ā uiga e mafai ai ona tatou auauna iā Ieova i se auala e na te faafinagaloina, e ui e tatou te lē lelei atoatoa?