Na vivii atu Paulo ma Sila iā Ieova e ala i pese a o la iai i le falepuipui. (Ga 16:25) E lē taumatea o le usuina o na pese na faamalosia ai i laʻua e tumau. Ae faapefea i tatou i aso nei? O pese e faaaogā mo le tapuaʻiga ma a tatou fatuga, e mafai ona faalaeiauina ai ma fesoasoani iā i tatou e tumau ai ma le faamaoni pe a feagai ma faigatā. E sili atu i lenā, o na pese e viia ai Ieova. (Sl 28:7) Ua faalaeiauina i tatou ia tauloto upu o nisi o a tatou pese. Po ua e faia faapea? E mafai ona faaaogā le taimi o le tapuaʻiga a le aiga e aʻo ai pese.

MAIMOA I LE VITIŌ FANAU O LOO VIVII ATU IĀ IEOVA I PESE, ONA TALI LEA O FESILI NEI:

• O ā aogā iā i tatou o le usuina o pese o le Malo?

• E faapefea i Matagaluega o Puʻegāleo ma Vitiō ona sauniuni mo le puʻeina o se pese?

• E faapefea ona sauniuni le fanau ma o latou aiga mo le puʻeina o se pese?

• O ā pese o le Malo e sili ona e fiafia i ai, ma aiseā?